Opinion
08.04.2016 comments (0)
Qorra Cumar Aadan deynab (Samadoon cumar )

Qorra Cumar Aadan deynab (Samadoon cumar )

Hab-fekerka dhalinta Soomaaliyed samayn intee le' eg ayay ku yeelan kartaa hab-nololeedka bulshada

Hab-fekerka, hab-dhaqanka iyo guud ahaan ba hab-nololeedka bulshada, waxa saamayn wayn ku yeesha hadba inta hormuudka u ah ee uu hadalkoodu ku badan yahay. Hadallada ugu badan ee ay bulshadu ku haasawdo, waa fal-celin ka timaadda  waxa ay idaacadaha iyo muuq-baahiyaha ka maqlaan. Innaga warbaahinteennu, waxay inta badan  inoo soo tebisaa waa war siyaasi iyo wax uun is-maamulkeenna taban ku salaysan.

Isbedelka Togan (The Positive Change) Ee Fekerka, Hab Dhaqanka Iyo Akhlaaqda Qof Ama Bulsho Samayso Waa Bilowga Guusha Qofka Ama Bulshada, Waana Isbedelka Allah Qur'aanka kaga Hadlay.

Haddaad aragto goobaha lagu shaaho iyo weliba baraha internetka  oo siyaasaddeenna taban uun lagu hadalhayo, ha la yaabin. Waayo bulshada siyaasaddaa silloon uun baa lagu shubtay oo maskaxdooda ku weelaysan. Inta ay saaxadeennu aqoontu ka maqan tahay ee ay warbaahintu na kaliya isku xidayso  dhagaha sahacabka iyo afka siyaasiga silloon, waxa hubaal ah in aynnu kusii dhex fekeraynno sanduuq yar (box), inta aynnu bokiskaa yar ku dhex fekeraynana - aynaan ka baxayn leelleelka iyo luufluufka ina haysta

Kalsoonida Aad ku Qabto Caqligu Waxay Falkisaa ama Shiishaa Caqabaadka Kaa Hortaagan Falsafada Nolosha iyo
Hab-Fekerka Fiyaw Ee ku Foogan Ka Fogaanshaha Maanka iyo Maskaxda Yuurura Ee U Kaydsan Aboorka!

Haddaynnu doonayno in aynnu xagga horumarka iyo il-baxnimada u tallaabsanno, waxaynnu u baahannahay in aynnu abuurno cod ka dheer kan siyaasiga bulshada kala geeyay. Waxaynnu u baahannahay cod aqooneed oo kor usoo qaada mustawaha bulshada si ay u  arkaan dunidu halkay marayso.  Innagoo warbaahinta inteeda wacyiga leh kaashaynayna, waxaynnu u baahannahay in aynnu abuurno goleyaal iyo malkooyin aqooneed oo hadba intii isku xirfad iyo taqasus ihiba ay aqoontooda bulshada kula wadaagto. Waxaynnu u baahannahay mufakeriin naqdiya waaqica bulshada oo xuluul soo ban-dhiga. Waxaynnu u baahannahay dhaqan-dhaadhiyo bulshadeenna u kala sooca dhaqankeenna kiisa wanaagsan ee maanta dunida la jaanqaadi kara iyo kiisa taban ee ay tahay in aynnu tagno. Waxaynnu baahannahay aqoon-yahanno unka dooda cilmiyaysan oo maanka bulshada  ka shaqaysiiya kuna abuuro waydiimo cuddoon. Intaa iyo in ka badan oo  idinkaba idin ka dhex guuxaya ayaynnu u baahannahay si aynnu wacyiga bulshadeenna kor ugu soo qaadno. sido kale Hab-fekerku wuxu u qaybsamaa sadex

* Hab-ka fekerka*      

1:Haddaad u fekerto sidii aad weligaa u fekeri jirtey wuxuun baa kugu dhalan dareenkii waligaa kugu dhalan jirey*

2:Hadduu kugu dhasho dareen waligaa kugu dhaln jirey wuxuun  baad samayn wixii aad waligaa sameyn jirtey

3:Haddii aad samayso wixii aad waligaa samayn jiryey wuxuun baad ahaan wixii aad waligaa ahaan jirtey
      
Waxan kusoo Afjaraya maqalka Qoralkan dhamaan bulshadu in ay Fikradahooga toolmoon ee Hormarka u sababaya bulshada inay la'wadaajiyan umada silooga baxo dib u dhaca arimaha asaasiga ee bulshada  .   

Qorra Cumar Aadan deynab (Samadoon cumar )

 
COMMENTS
no comments available
POST A COMMENT
Captcha

[top]