Xafiiska la socodka hay’adaha ee Xarakada Mujaahidiinta AL Shabaab ee marka magaciisa la soo gaabiyo looyaqaan (OSAFA) ayaa sheegay in lagama maarmaan ay tahay in la joojiyo howlaha hay’adda WFP kadib markii la tixgaliyay arimaha hoos ku qoran.
Saakay ayaa Xarakada Al-shabab waxa ay saxafada soo gaarsiisay
Warsaxaafadeed ka soo baxay Xafiiska la socodka hay’adaha kaasi oo
qornaa siadatan.
WFP waa in ay joojisaa dhamaan howlaha ay ka heyso Soomaaliya maanta oo taariiqda hijriyada ay ku beegantahay 14-03 1431”
Waraqada ayaa waxa ayaa katimid Xafiiska la socodka hay’adaha ee AL Shabaab , marka magaciisa la soo gaabiyo looyaqaan (OSAFA) ayaa daabacay in gabi ahaan WFP la mamnuucay howlaha ay ka waday Somaliya kadib markii la tixgaliyay arimaha hoos ku xusan.
1-Cabashada sii kordheysa oo ay soo jeedinayaan beeraleyda
Soomaaliyeed kuwaasi oo waayay sida la sheegay Suuq ay badeecadooda
kaga ganacsadaan sababta keentayna ay tahay WFP oo raashin badan soo
dajisay xiliga uu dalagu soo go’ayo.
2-hay’adda oo qeybisa cunto dhacday : kadib markii la baaray
bakhaaqarada WFP waxaa cadaatay in raashin ku keydsan uu badankiisu
yahay mid dhacay oo aan aheeyn mid uu bini’aadamku cuni karo.
3-Faafitaanka cuduro farabadan oo ka dhashay cuntada dhacday ee hay’adu qeybisay.
4-Raashinka hay’adu keento oo ah mid dano qarsoon oo siyaasadeed laga
leeyahay sida taakuleynta ciidamada Xabashida iyo Murtadiinta (Sida ku
qoran Warsaxaafadeedka).
Dhanka hoose ee waraaq waxaa ku qornaa degniin ku socota shaqsi walba
oo qandaraasle la ahaa hay’adda WFP in u faraha kala baxo hadii uu
kamadax adeegana ay tilaaban ka qaadi doona shababka.
Lama ogo jawaabta ay ka soo saari doonaa Hay'ada WFP oo horay u codsaday in la fasaxo bilaa shuruud taasi oo ku sii adkeesay Shabab in ay gabi ahaan mamnuucaan hay'ada.
