Dalabka Faarax Macalin ayaa yimi ka dib markii dawlada Puntland ay dacwad ka gudbisay Gudoomiye Xigeenka Baarlamanka Kenya, dacwadaasi ayaa salka ku haysay, safar uu Gudoomiyuhu ku tegey magaalada Lascaanood ee laga haysto Puntland.
Dhanka kale Wasiirka Arimaha Dibada ee dalka Kenya Moses Wetangula ayaa dhawaan shaaca ka qaaday in uu dacwad la xiriirta safarkii Laascaanood ee Faarax Macalin uu u gudbiyay gudoomiyaha Baarlamanka Kenya, Wasiirka ayaa ku eedeeyay Faarax Macalin inuu u ololeeyay aqoonsi doonka Maamulka Hargaysa.
Wasiirka Arimaha Dibada ee dalka Kenya Moses Wetangula ayaa Saxaafada u sheegay in Faarax Macalin uu meelo Fagaaro ah ka sheegay sida uu u xiisaynayo in Maamulka Hargaysa la Aqoonsado, taasina ma aha arin ay dawlada Kenya raali ka tahay.
Faarax Macalin ayaa mar la waydiiyay isagu ka warwareegay inuu aqoonsi u raadinayo Maamulka Riyaale isla markaana si dadban u weeraray Puntland, waxa kale oo hadaladiisa uu ku daray in ujeedada safarkiisu ay ahayd dan Soomaaliyeed. Bishii Decembar ee sanadkii tegay ayaa Faarax Macalin Booqasho ku tegay Hargaysa isaga oo u sii talaabay Magaalada Laas-caanood ee colaadu ka taagan tahay.
Daawo Faarax Macalin oo ka hadlaya goosashada iyo dadaalka uu u geli doonoi aqoonida maamulka Hageysa
